Posts

Showing posts from August, 2023

1. Antû bonthe ba nthigûrû

 1.  Antû bonthe ba nthigûrû, Inagîreni Mûrungu;  Mûkumieni na kûgwîrua, Tûmûkumieni na nkoro.  Niwega Murungu baba Jesû nawe ni mugate Kirundu wa kunyotora Ndigua mpara kana nyonta .  2.  Menyeni nîwe Mwathani, Mûûmbi wa nthîgûrû cionthe; Natuî tûrî ng'ondû ciawe, Nawe nî Mûrîthi wetû. 3.  Kûrûkeni na kûgwîrua,  Mpingîrone ya Mûrungu;  Tharimeni rîîtwa rîawe, Tûkîmûkaathaga mono. 4.  Mwathani wetû Mûrungu, Nîwe Mwejani ûmwega:  Nteto ciawe nîcio cia mma,  Kuuma kenya mwanka kenya. 5.  Tûkumagieni Mûrungu. Nakumague nî antû bonthe:  No Wenka Mûûmbi wa bionthe, îthe, Mûtana, Kîrundu.

2. Kûrî nyomba înjega ndene ya antũ

 1.  Kûrî nyomba înjega ndene ya antũ,  Indî îtaarî înjega rĩa mbere;  Nîku Kîrundu ûmûtheru akaraga,  Ampûmbithagie kûromba.  Njûûni twîteni tûmûkaathe,  Mûrungu wetû Nyombe-ne yawe;  Nkoro yakwa nî îgwîîragua mono;  Nî kîûthûrano gîa antu ba Mûrungu 2.  Mûthenya jwa Kiumia i jûmwega,  Rîrîa nkengere îgwîîtana;  Mbûkîîre na antû bakwa bonthe,  Tûkarombe na tûkaathe Mûrungu. 3.  Kûrî na mîîtano îmiingî,  Ya antû na ya shaitani; îndi jûrîa jûtwîtithagia bwega; Nî jwa gûtwonania na Mûrungu. 4.  Nî Mûtharabe-ne jwa Jesû, Ndaikiirie mûrigo jûu jwakwa; Jwanthaangîkîtie nkoro na mwîrî, Na nkîewa mwoyo jwa kenya.

3. Twathithîîrue nthî înjega

1.  Twathithîîrue nthî  înjega Nî Mûrungu,  Ningî naamîthongomiirie, Agwiritue; Areeka into biithongi. Nakaathagwe. 2.  Mwathani, Gwe ûtûmaga Tûgwîrua mma, Nî nteto ciaku cia wendo, Nteere cionthe, Nthîgûrû yonthe yûjûri, Wendo bwaku. 3.  Mawega jaringanagîrwa,  Na mathîîna,  Kenda twendanaga na gwe,  Tûmena nthî, Tûtîkatheekwe nî mwago Jwa nthîgûrû. 4.  Mwathani, Gwe ûtîendaga Nkoro cietû, Igwatwe nî mantû ja nthî Ta motonga: Jarîa jatîkorotûûra Ta jeegûrû. 5.   Nîtwithîrîtwe mûthima Nî Mwathani, Naju nîju jûgatûûra Mwanka kenya; Twîrîgîreni kûjwona Kwa Mûrungu. 6.  Tunarî tûkigwîraîrua Kûû nthîgûrû Nkoro cietû cieteerete ûthinyaari Bûrîa tûkoona îgûrû, Kwa Mwathani.

4. Tûûthûranîte aja

 1.  Tûûthûranîte aja, Nyomba îjî yaku; Tirimana amwe natuî, Gwe Mûrungu wetû 2.  Nîmbi îtûreteete, Aja Mbere yaku? Tweja twigue na tûgwate, Nteto ciaku inthongi. 3.  Tontu bûû twijîte,  Kenda tûkwerenca; Na tuumbûre meeyia jetû, Baaba tûrekere. 4.  Tûtîng’anîrîte, Ba gûkwînamîîra; Nîtûkwigua nthao mono. Mûrungu Mûnene. 5.  Baaba wetû  ûmwega, ûtwigîrue kîao: Tûtharime batuî twinthe, Nîtûgûkwerenca.

5. Nî rîîtwa rîa Jesû

 1.  Nî rîîtwa rîa Jesû, Rîtûûthûranîtie; Nyomba îî ya Baaba, Kenda tûmûkaatha. 2.  înama Mûrungu, Tirimana natuî; Guûra uthiũ bwaku, Kîrî nthuure ciaku. 3.  Tûrî ûbatithio-ne, Nîrîo tuumbûraga; Tûrî njûûri yawe, O na aana bawe. 4.  Nî tweendaga gwîta, Meethe-ne ya Mûrungu; Atûnyirie nkoro, Na mûgate jwawe. 5.  ûtûteethie nandî, Na nteto cia kîao; Irîa ciûmagîîria, Barîa bagûcwaga. 6.  ûtwe inya yaku, Na ûtûtongeerie; Mwanka ûtûkinyie, Arîa utûûraga. 7.  Tûgatûûre na Gwe. ûkumione bwaku; Bwa Mwoyo jwegûrû, Tûnyanyeenie na Gwe.

6. Mûrungu îthe arookumua

1.  Mûrungu îthe arookumua, Ona Jesû Mûtana; Na Kirundu Ûmûtheru, Bobathatu no umwe.  Mukumieni;mwinîreni,  Mwanka kenya na kenya.   2.  Kristo Mûtwendi akuumue, Niwe watuthambiirie; Aratûkûûra meeyie-ne, Twathanage amwe nawe; Mûkumieni, mwinîreni: Kang'ondu ka Mûrungu. 3.  Mûnene wa araika, Na Mûtwe jwa Kanisa; Mûnene wa nthukî cionthe, Na wa Îgûru na nthî îjî: Arookumua: arookumua, Jesû we Mwene Mwago. 4.  Araika i bamwiinagîra, Rwîmbo rûtîthiraga; Into bionthe, biûmbe biawe, Goongeni rîîtwa rîawe. Gwîrîrueni; gwîrîrueni; Rûthûgua wa anene.

7. Twinireni Mwathani

 1.  Twinireni Mwathani. Tontù niwe Mutugi. Kenya aarî wa kiao, Na nandî nî wa kîao. 2.  Nowe wenka Mûnene. Tuumbûreeni nkumewe. 3.  Nthi yoojûri mûgundu. We aramîmûrîka. 4. Into bionthe bia mwovo. Nîwe woombire bionthe. 5.  Twarîa ukîa kinya tuî. Natûteethagia na mpwî. 6.  Mwinîreni rwimbo rûû. Nkoro igwiritue b'ru.

8. Îgwe ûmûtheru

 1.  Îgwe ûmûtheru.  Mwene -inya yonthe,  Tûgagûkumagia  rûûkîrî kainda; Îgwe ûbathatu  bûrîa bûbûtheru, Urî Mûrungu ûrîa Mûtheru. 2.  Îgwe ûmutheru,  tûgagûkumagia,  Amwe na atheru  baku ba îgûru:  Araika nabo  bagagûkumagia.  ûrîa waatwîre, Nandî ûrîo. 3. Îgwe ûmûtheru,  o kûu werû-ne, Bûrîa bûthaaraga  arîa gûtî meeyia; Theria meeyia jetû,  jarîa jamaingî, Nikenda twinthe tûkaa baatheru. 4.  Îgwe ûmûtheru,  Mwene-inya yonthe. Ngûgi cîaku cionthe  igagûkumia Gwe; Ûri Ûmûtheru,  Mwene kîao na inya, Gwe Ûbathatû bûrîa bûtheru.

9. Nthîgûrû îrî na werû

 1.  Nthîgûrû îrî na werû, Gûkûthiria gûkîa; Muundu junthe i jûthiri, Kinya toro yakwa 2.  Mûrungu nîûndaarîtie, Ûtukû bûû bunthe; Ûtîtigaga kûmenyeera, Tontû nîûmpendeete. 3.  Na nandî nîngûkûromba, Ûntindie narua îjî, Meeyia jonthe ûndekere, Na wee mûntongeeria. 4.  Kûrûka nkoro-ne yakwa, Na ûtîkaaume ku; Nkarage magita jonthe, Ndî mwana waku mma.